Bidalketak

Egileentzako gidalerroak

INGURUAK, Soziologia eta Zientzia Politikoaren Euskal Elkartearen aldizkari ofiziala sei hilean behin argitaltzen dugu. Aldizkariaren helburu nagusia gizarte zientzien ikerketa, ikasketa eta zabalkundea sustatzea da, Euskal Herriko ezagutza politologiko eta soziologikoaren dibulgaziorako funtsezko plataformetako bat izanik.

INGURUAK aldizkarian argitaratutako artikulu, ikerketa-ohar eta liburu-aipamen guztiek aldizkari zientifikoei eskatu ohi zaizkien kalitate- eta ebaluazio-irizpideak betetzen dituzte. Irizpide horiek betetzen direla bermatzeko, zenbait prozedura finkatu ditugu. Horiek direla eta, kanpoko espezialistek modu anonimoan ebaluatzen dute eskuizkribuen egokitasuna.

1. Hizkuntzak: Jatorrizko lanak gaztelaniaz, euskaraz edo ingelesaz aurkeztuko dira. Izenburua, laburpena eta, artikuluen kasuan, gako-hitzak ingelesezko itzulpenarekin batera joan beharko dira kasu guztietan.

2. Artikuluak honako formatuan aurkeztuko dira:

• Eskuizkribuen luzera 7.000 eta 10.000 hitzen artekoa izango da (grafikoak, taulak, oharrak eta bibliografia kontuan hartuta), Times New Roman 12 letrarekin eta 1,5eko lerroartearekin.
• Artikulu guztiek izan beharko dute izenburua, laburpena (150 hitz gehienez), eta gako-hitzak (5 eta 7 artean), euskaraz edo gaztelaniaz eta beti ingelesez. Hau da, euskarazko zein gaztelaniazko edozein artikuluk izan beharko ditu izenburua, laburpena eta gako-hitzak ingelesera itzulita.
• Grafiko guztiek modu korrelatiboan zenbatuta egon beharko dute, eta izenburua eta iturria izan behar dituzte. Taulek ere baldintza berak bete behar dituzte. Grafikoa edota taula sartu behar den lekuaren erreferentzia zehatza adierazi beharko da testuan.
• Siglak, lehen aldian, izen osoarekin adieraziko dira, eta parentesi artean. Adibidez: Europar Batasuna (EB).
• Anonimotasuna bermatzeko, egileen izenak, afiliazioak eta identifika ditzakeen beste edozein informazio ezabatu egin behar dira eskuizkribuaren testutik. Dokumentuaren metadatuetan, informazio pertsonala ezabatu egin behar da (Fitxategia > Informazioa > Ikusi arazorik dagoen > Ikuskatu dokumentua > Ikuskatu > Dokumentuaren propietateak eta informazio pertsonala > Kendu denak). Egileen aipuen ordez “Anonimo, xxxx” jarri beharko da, eta bibliografiatik ezabatu.
• Portada (Title page) dokumentu bereizi batean erantsi behar da, izenburuarekin, egileen izenekin, afiliazioekin eta egile baten harremanetarako informazioarekin. Hala ber, dokumentu honetan sartu behar dira balizko esker onak edota finantziazioari buruzko informazioa.

3. Liburu aipamenak: 2.000 eta 2.500 hitz artekoak izango dira, Times New Roman 12 letrarekin eta 1,5eko lerroartearekin.

4. Eskuizkribuak jasotzeko epea: Artikuluak jasotzeko epea urte osoan dago zabalik esteka honetan.

5. Tasak: Ez da inongo tasarik kobratuko, ez artikuluen bidalketarako, ez kudeaketarako ezta argitalpenerako.

6. Aipuen sistema: aipuek eta erreferentziek American Psychological Association-en (APA) 7. Edizioko arauak jarraitu beharko dituzte. Euskal Herriko Unibertsitateak osatutako gidaliburua hemen dago eskuragarri.

Dena dela, nahiz eta APA arauen azken edizioak, autoreen izen osoen ordez lehen letrak soilik agertzea eskatu, gure kasuan, izen osoa jartzea iradokitzen dugu.

• Liburuak:

  Abizena(k), Izena    (Urtea). Liburuaren izenburua letra etzanez. Argitaletxea

  • Autore bakarra:

    Anderson, Benedict (2025). Komunitate imajinatuak: Nazionalismoaren jatorriari eta hedapenari buruzko gogoetak. EHUko argitalpen zerbitzua.

    (Anderson, 2025: 45-46)

  • Bi autore:

    León, Orfelio G. eta Montero, Ignacio (1993). Diseño de investigaciones: Introducción a la lógica de la investigación en psicología y educación. McGraw-Hill/Interamericana de España.

    (León eta Montero, 1993: 25)

  • Hiru autore edo gehiago:

    Erreferentzien zerrendan guztiek agertu behar dute, baina testuko aipuan, soilik lehen autorearen abizena agertu behar da eta ondoren “et al.” Letra etzanez.

    Larrinaga, Ane, Iraola, Iker, Odriozola, Onintza, Amurri, Mila eta Zabalo, Julen (2024). Ikasketa politikoa, parte-hartzea eta aktibismoa gazteen ahotsetan. Udako Euskal Unibertsitatea.

    (Larrinaga et al., 2011: 128-129)

• Kapituluak, kongresuetako ponentziak, prologoak… :

  Abizena(k), Izena (urtea). Atalaren izenburua. In editorearen Izena Abizena (Ed.), Idazlanaren izenburua letra etzanean (orrialdeak or.). Argitaletxea.

  Bakaikoa, Baleren (2021). Euskal enpresa elitearen eraketa eta berorren formakuntza akademikoa. In Jon Díaz Egurbide (zuz.), Hego Euskal Herriko Eliteak: Boterearen azterketa (237-249. Or.). Manu Robles-Aranguiz Fundazioa eta Ipar Hegoa Fundazioa.

  (Bakaikoa, 2021)

• Aldizkari zientifikoetako artikuluak:
  

  Abizena(k), izena (urtea). Artikuluaren izenburua. Aldizkariaren izenburua letra etzanean, bolumena letra etzanean(zenbakia): lehen orrialdea-azken orrialdea. https://doi.org/xx.xxxxxxxxxx.

  Vallejo, Eider eta Redondo, Iratxe (2025).  Adimen-gaitasun handiko haurren hezkuntza-arreta haien familien ikuspegitik. Uztaro, 134: 33-54. https://doi.org/10.26876/uztaro5183

  (Vallejo eta Redondo, 2025)

• Egunkarietako artikuluak:

  Abizena, Izena (Argitalpen data). Artikuluaren izenburua. Egunkariaren izenburua letra etzanean, or. edo URL.

  [Paperean eta online]

  Araluzea, Ane (2025eko abenduaren 31a). El transporte público adapta su horario en Nochevieja y Año Nuevo. Deia, 8. or.

  (Araluzea, 2025eko abenduaren 31a)

  Otaegi, Julen (2026ko urtarrilaren 14a). Trumpek adierazi du ez duela onartuko Groenlandia AEBen esku uztea ez den «beste ezer». Berria. https://www.berria.eus/mundua/arratsalde-honetan-bilduko-dira-aebetako-groenlandiako-eta-danimarkako-ordezkariak_2152533_102.html

  (Otaegi, 2016ko urtarrilaren 14a)

  Autorerik gabe:

  Supervivientes reconstruyen el infierno del bar de Crans Montana; 47 muertos ya y se temen más (2026ko urtarrilaren 2a). Naiz. https://www.naiz.eus/es/info/noticia/20260102/testigos-reconstruyen-el-infierno-del-bar-de-crans-montana-se-temen-mas-muertos

  (Supervivientes reconstruyen el infierno del bar de Crans Montana, 2026ko urtarrilaren 2a)

• Interneteko baliabideak:

  Webgune bat era orokorrean aipatzeko, nahikoa da testuan haren izena aipatzearekin eta URL parentesi artean gehitzearekin. Adibidez, “Inguruak aldizkariaren webgunea (www.inguruak.eus) kontsultatu dugu”.

  Web orrialde edo dokumentu konkretu bat aipatzeko, APAren eskuliburuak 4 elementu ematea gomendatzen du: egilea, data, izenburua eta iturria (webgunearen izena edo url).

  Abizena(k), Izena (data). Web orrialdearen izena letra etzanean.  https: // URL.

7. Ikerketaren finantzaketa: Egileek ikerketa garatzeko jaso duten laguntza edo finantzaketa publiko edo pribatua adieraziko dute, hala badagokio.

8. Genero politikak: Aldizkari moduan genero politikekin dugun konpromisoarekin bat, egileei honakoak iradokitzen dizkiegu:

a) Bibliografian, egileen izen osoa sartzea, haien inizialak bakarrik erabili beharrean.

b) Generoari dagokionez, hizkera inklusiboa eta ez-sexista erabiltzea artikuluak idazterakoan, diskriminazioa saihestuz, generoa ikusaraziz komunikazioak hala eskatzen duenean, eta generoa ez ikusaraziz komunikaziorako beharrezkoa ez denean.

9. Ebaluazio-prozedura: Bidalitako artikuluak Batzorde Editorialak izendatutako kanpoko bi ebaluatzailek egingo dute berrikuspena dituzte modu itsuan, hau da, egileen zein ebaluatzaileen anonimotasuna mantenduz. Horretarako, aurretik aipatutako jarraibideei jarraituz, beharrezkoa da artikuluaren testuan etor daitekeen egileen informazioa eta metadatuak ezabatzea bidali aurretik. Testuaren behin betiko argitalpena ebaluazio-txostenen araberakoa izango da, bai eta planteatutako zuzenketak egileek egin izanaren araberakoa ere. Kasu horretan, berrikusitako artikuluarekin batera, egileek idatzi anonimo bat aurkeztu ahal izango da egindako aldaketei buruz.

Ebaluazio-txostenak argi eta zehatz jasoko ditu bidalitako testua onartzeko edo baztertzeko arrazoiak, bai eta kasu bakoitzean eskatzen diren iruzkinak edo aldaketak ere. Ebaluazio-txostenek honako alderdi hauei dagokienez: gaiaren garrantzia eta originaltasuna, gaiaren egoerari buruzko erreferentzia, egitura eta azalpen-argitasuna, metodologia eta bibliografia.

Batzorde Editorialak artikuluak atzera bota ahal izango ditu arrazoi formalengatik, hala nola: ortografia, zehaztasun lexiko eza, puntuazio txarra, loturarik gabeko sintaxia, argitasun falta edo inkoherentziak; edo aldizkariak jorratzen dituen irizpide tematikoetara ez egokitzeagatik.